news

Á þitt barn rétt á sérstökum íþrótta- og tómstundastyrk?

11. 05. 2021

Á þitt barn rétt á sérstökum íþrótta- og tómstundastyrk? Nú gildir hann líka fyrir sumarnámskeið 2021 - Sérstakur styrkur gildir líka á sumarnámskeið | Fréttir | Hafnarfjörður (hafnarfjordur.is)

Is your child entitled to a special leisure grant? Now valid for summer activity 2021 as well - Information in English and various other languages - https://hfj.is/v0DChl

Sérstakur íþrótta- og tómstundastyrkur til viðbótar hefðbundnum frístundastyrk í boði til og með 31. júlí 2021

Opið er fyrir umsóknir á sérstökum íþrótta- og tómstundastyrk fyrir börn sem búa á tekjulægri heimilum og er verkefnið hluti af aðgerðapakka vegna þeirra áhrifa sem Covid19 hefur haft m.a. á afkomu efnaminni heimila í landinu. Verkefnið hefur það að markmiði að jafna tækifæri þeirra fjölskyldna sem tekjulægri eru til þátttöku í skipulögðu íþrótta- og tómstundastarfi.

Sérstök athygli er vakin á því að umsóknarfrestur hefur verið framlengdur til og með 31. júlí 2021 og að nú er hægt að nýta styrkinn fyrir sumarnámskeið 2021.

Styrkurinn er 45.000 á hvert barn

Hægt er að sækja um styrk fyrir börn sem fædd eru á árunum 2005-2014 og búa á heimili þar sem heildartekjur heimilisins voru að meðaltali lægri en 740.000 kr. á mánuði á tímabilinu mars – júlí 2020. Styrkurinn er 45.000 kr. á hvert barn og er hægt er að nota hann til niðurgreiðslu á þátttökugjöldum vegna íþróttaiðkunar, tónlistarnáms eða annarra tómstunda. Sveitarfélögin annast afgreiðslu styrkumsókna eftir að búið er að kanna rétt til styrksins inni á Island.is

Kannaðu rétt til styrks - https://hfj.is/60gR5c

Nánari upplýsingar um framkvæmd og fyrirkomulag hjá Hafnarfjarðarbæ ef réttur til styrks er til staðar - https://hfj.is/chsUfe

Frístundastyrkir Hafnarfjarðarbæjar – í boði fyrir öll börn á aldrinum 6-18 ára

Minnum samhliða á frístundastyrk Hafnarfjarðarbæjar fyrir öll börn og ungmenni á aldrinum 6-18 ára í virku íþrótta- og tómstundastarfi. Mánaðarlegur styrkur til lækkunar á þátttökugjöldum er 4.500.- kr á hvern iðkanda.

Nánari upplýsingar um hefðbundna frístundastyrki Hafnarfjarðarbæjar - https://hfj.is/YlZScS

Virkjum börn okkar og ungmenni til þátttöku í skipulögðu íþrótta- og tómstundastarfi!

© 2016 - 2021 Karellen